新一代美國隊長擔正 遊戲改編
《Twisted Metal 烈火戰車》線上看
文：PCM影視關注組
近年好多由電玩遊戲改篇嘅影視作品，呢套由 Sony Pictures 及 PlayStation 聯合製作嘅《Twisted Metal 烈火戰車》就請來電影《死侍》編劇 Rhett Reese 及 Paul Wernick 主理此劇嘅製作，劇中融入遊戲及黑色幽默元素，就連一向嘴刁嘅爛番茄 Rotten Tomatoes 影評網站，觀眾好評高達 94%，就知道唔係講笑。
值得一提嘅可能係因為半小時一集兼節奏明快，《Twisted Metal 烈火戰車》喺美國上架後，即成為串流媒體 Peacock “most binged” 最受追看喜劇，數據顯示觀眾平均一次煲三集，更有啲係一次煲哂十集，認真誇張！
飛車追逐 似足打機
《Twisted Metal》係 1995 年 PlayStation 推出嘅一款汽車射擊遊戲，由 1995 年至 2012 年期間，先後推出多款續作，全個系列共賣出超過500萬套，喺美國真係有唔少 fans。今次嘅電視劇版本亦將遊戲元素融入劇中，飛車追逐嘅情節似足打機。而有部份出場嘅「戰車」更會沿用遊戲裡面嘅設計，有玩過《Twisted Metal》嘅朋友睇完真係想開機打返幾舖。
《Twisted Metal 烈火戰車》劇中融入不少遊戲元素，遊戲fans萬分錯過！
《Twisted Metal 烈火戰車》劇中的飛車追逐情節似足打機，十分過癮！
玩轉末世新常態？
雖然美劇《Twisted Metal 烈火戰車》同樣以末世後嘅世界為背景，不過用上動作喜劇作包裝，無《北斗之拳》同《MAD MAX : Fury Road 末日先鋒：戰甲飛車》咁沉重絕望，反而有幾分輕鬆幽默，睇完嗰人都會開心啲。
《Twisted Metal 烈火戰車》帶有幾分輕鬆幽默，睇完人都開心啲！
新美國隊長做外賣仔？首集即有大膽演出？
新一代美國隊長 Anthony Mackie 喺《Twisted Metal 烈火戰車》裡面，唔再係超級英雄，而係一個識飛車但唔多識泊車，口水多多嘅「跑腿小哥」John Doe，而且首集更會有大膽演出！（唔劇透大家自己睇）不過 John Doe 呢個角色，唔係單純要chok咁簡單，因為故事設定，佢原來因為一啲事故而失憶，佢嘅來歷亦係故事嘅重要發展方向。
新一代美國隊長於《Twisted Metal 烈火戰車》更有大膽演出！
荒唐分局毒舌女警變啞巴？
喺美劇《荒唐分局 Brooklyn Nine-Nine》中飾演毒舌女警而大受歡迎嘅 Stephanie Beatriz，今次喺《Twisted Metal 烈火戰車》裡面飾演女偷車賊，角色雖然全程都冇對白，只係用眼神做戲，不過潑辣程度一啲都無減。到底佢真係啞，定係咩原因唔肯講嘢？大家追落就會知道。
荒唐分局毒舌女警於《Twisted Metal 烈火戰車》變成啞巴？（圖片來源：Peacock）
《Twisted Metal 烈火戰車》第一季共 10 集，全季現於 Now Studio 上架。如果大家申請咗 Now ID，仲可以透過電視或手機應用程式登入，試睇首集《Twisted Metal 烈火戰車》！
>>> 按此到Now Studio自選服務立即點播《Twisted Metal 烈火戰車》
更多文章：
【劇集推薦】四月 Now Studio 必睇3套劇集末世荒誕喜劇、科普戰時改編劇與及女子力Empower故事
【奧斯卡2024】《奧本海默》3個需要一睇再睇的理由
【奧斯卡2024】《馬里烏波爾戰火二十日》這部奧斯卡最佳紀錄片值得推崇的3個理由
《英倫冤案：貝茨先生 Vs 郵局》皇家郵政案改編 英國神劇引爆迴響
