未來教室
STEM是科學(Science)、技術(Technology)、工程(Engineering)及數學(Mathematics) 這四個學科的首字母缩寫。近年全球都在中小學推展這種教學課程,在本地學界近年發展迅速,香港的施政報告提出了「教育局會更新及強化科學、 科技及數學課程和學習,並落實本地 STEM 教育的發展方向。 「未來教室」每集走訪不同學校,了解各式STEM教育的課程設計,分享同學們對科學探索的學習心得。 STEM 教育鼓勵小朋友探索自己的創造力,成為未來的創造性思想家、讓孩子們用自己的想像力、自由性和靈感去學習、把精彩的想法變成酷炫的實物。在創造過程中,讓小朋友可以在錯誤中學習,訓練解難能力,學習面對失敗。
語言 粵語

第21集 「屹」凳裝置

今集學校:仁濟醫院陳耀星小學。 「屹」凳呢啲壞習慣一定要改,因為畀老師或者家長見到,一定會鬧㗎!而且「屹」凳都好危險啫,跌親就唔好啦。而呢間學校嘅同學仔,擔心小朋友有呢個危險,就設計咗個裝置。唔知大朋友用唔用得呢?

第20集 紓緩壓力手機程式

今集學校:道教青松小學(湖景邨)。 喺香港,無論係小朋友定大人,都面對好大壓力!到底有咩辦法可以紓緩呢?呢間學校嘅同學仔,學識咗一啲新既技能就編寫咗個手機程式,希望幫助大家。

第19集 掌握乘客量計算器

今集學校:五旬節聖潔會永光書院。 紅Van唔一定要凌晨先搭得,日光日白一樣有得搭,不過你有無試過搭紅Van嘅時候,要打電話留位呢?呢間學校嘅同學仔,就運用STEM嘅知識,設計咗個裝置,幫助車長掌握沿途小巴站嘅乘客量,真係好勁呀!

第18集 砌得、睇得又玩得作品

今集學校:香港青年協會李兆基小學。 槓桿原理、能量轉換、電腦繪圖、鐳射切割、零件組裝……聽起上嚟好大工程、好複雜咁喎;其實呢間學校嘅同學仔,就運用咗以上嘅知識同技術,整咗一件砌得、睇得又玩得嘅STEM作品,一次過滿足三個願望呀!

第17集 自製玩具

今集學校:浸信會天虹小學。 雖然古語有云「勤有功、戲無益」;不過今時唔同往日啦,聯合國兒童基金會就提出,應該畀小朋友每日至少一個鐘頭嘅自由遊戲時間。呢間學校嘅同學仔,唔至玩咁簡單,仲要自己嘅玩具自己整,咁係咪叫做雙重開心呀?!

第16集 自動餵魚裝置

今集學校:聖愛德華天主教小學。 喺戰國時代,曾經有兩位哲學家,討論人到底係咪感受到魚嘅心情;其實魚只要食得飽又可以自由咁游嚟游去,都應該會開心。呢間學校嘅同學仔,就設計咗個自動餵魚裝置,咁就唔怕餓親啲魚仔啦!

第15集 智能書包

今集學校:聖文德天主教小學。 學生人仔細細返學要孭住個大書包,睇見都覺得辛苦呀!聽講呢間學校嘅同學仔,就設計咗個「智能書包」,唔知道可唔可以幫個書包減磅呢?

第14集 訓練反應作品

今集學校:中華基督教青年會中學。 有無試過打機、打波嘅時候,畀人笑反應慢呢?都真係會幾尷尬㗎,唔想咁樣,可以點樣?呢間學校嘅同學仔,就設計咗一件作品,可以用嚟訓練反應。

第13集 電子保姆

今集學校:樂善堂余近卿中學。 要照顧BB真係唔容易,經常都要留意佢地嘅一舉一動、確保安全。好多父母為咗全天候睇住BB,搞到無哂私人時間。呢間學校嘅同學仔,就希望幫輕吓啲家長,設計咗一個電子保姆,到底會係點嘅呢?

第12集 土壤濕度探測器

今集學校:佛教林金殿紀念小學。 正所謂一分耕耘一分收穫,種花種菜種水果都要用好多心機同時間,呢間學校嘅同學仔,就設計咗一部機土壤濕度探測器,用嚟幫助農夫~

第11集 最乾淨機場

今集學校:聖公會聖十架小學。 根據2019年最新嘅調查,香港國際機場喺全球最乾淨機場排名之中攞第七,要點樣先可以精益求精做得更好呢?聽講呢間小學嘅同學仔幫到手喎!

第10集 智能風扇

今集學校:保良局王賜豪(田心谷)小學。 香港嘅天氣咁熱,成日開住冷氣又話嘥電唔環保, 呢間小學嘅同學仔就設計咗一個智能風扇,幫助嬰兒床附近嘅空氣流動同氣溫控制,咁家長們就可以放心又安心啦……

第9集 衣物管理

今集學校:佛教榮茵學校。 有無試過買咗件衫,唔記得,一直放喺衣櫃裡面,擺到封塵連個款都out埋?!呢間小學就有同學仔,設計咗個應用程式,幫手管理衣物,咁就唔會再浪費。

第8集 STEM 加 art 藝術

今集學校:沙田圍胡素貞博士紀念學校。 STEM加埋art藝術,就會結合成為STEAM!例如呢間小學嘅同學仔,就活用STEAM嘅知識,自己嘅樂器自己造,真係好犀利!

第7集 智能收功課機

今集學校:樂善堂梁銶琚學校(分校)。 自問當年是一個守秩序又有責任感的學生,所以年年都做班長,其中一項工作就是要收齊全班的功課,這間小學就有一位同學仔,設計出智能收功課機,提升收功課嘅效率。

第6集 虛擬實境健身單車

今集學校:青年會書院。 做運動好處多,不過懶做運動的藉口就更加多!幾位中學生,為可以增加同學做運動的興趣,活用STEM嘅知識,設計出虛擬實境健身單車,就算喺室內做訓練,都唔駛淨係對住四幅牆咁悶。

第5集 加強應用知識、創新思維

今集學校:將軍澳循道衛理小學。 好多人都話學習STEM,可以加強同學仔嘅應用知識、創新思維同解難能力,其實點只咁簡單呀!呢間小學嘅幾位同學仔,就夾手夾腳一齊設計出一部揸得嘅高卡車,話你知只要有團隊精神,凡事都有可能呀!

第4集 環保教育

今集學校:博愛醫院歷屆總理聯誼會梁省德學校。 環保教育,要從小做起!但係要點樣做,先可以令小朋友明白減廢、回收,珍惜資源嘅重要性呢?為咗宣揚環保訊息,幾位小學生就設計咗一套虛擬實境VR遊戲,等大家可以一邊打機,一邊學習保護大自然呀!

第3集 增強成功感與學習力

今集學校:中華基督教青年會小學。 有小學鼓勵同學自主學習,親自發掘難題,在不斷測試改良中,尋求解決方法,增強同學成功感與學習力!

第2集 優化學校設施

今集學校:滙基書院(東九龍)。 為配合STEM教育,有中學積極優化學校設施及增加設備,讓同學在理想環境中學習,激發創意思維!

第1集 發揮創意

今集學校:藍田循道衛理小學。 透過課堂、活動及比賽,讓同學愉快學習STEM知識,更鼓勵他們發揮創意再加以實踐,解決生活上遇到的難題!

第23集 智營餐盤

今集學校:保良局陸慶濤小學。 香港雖然係美食天堂,但係每日都會棄置大量廚餘。無論係小朋友定大朋友,最緊要惜食,唔好做大嘥鬼呀!呢間學校嘅同學仔,就設計咗個「智營餐盤」,聽講可以幫助減少廚餘,同培養健康飲食習慣。到底係點樣嘅呢?

第22集 逃生智能系統

今集學校:匯知中學。 俗語有云「助人為快樂之本」,又正所謂要「日行一善」。講咁多道理,無非都係想導人向善,希望大家可以互相幫助啫!就好似呢間學校嘅同學仔,為咗協助聽障人士,喺遇上火警嘅時候,可以安全咁逃生,就設計咗個智能系統,真正發揮守望相

第26集 訓練乒乓波裝置

今集學校:基督教宣道會宣基小學。 有啲運動可以一個人做,例如跑步、踩單車、健身;不過,有啲運動就要有對手或者拍檔喇,好似打羽毛球、乒乓波等等,無人陪又想打,點算好?呢間學校嘅同學,就設計咗個裝置,可以陪你練乒乓波呀!

第25集 植物栽培裝置

今集學校:聖公會李福慶中學。 「落紅不是無情物,化作春泥更護花」,花開花落係自然現象,但係想花開得燦爛啲、植物生得茂盛啲,就需要我哋嘅栽培同保護喇;呢間學校嘅同學,就設計咗個裝置,希望可以幫手種得啲花靚啲呀!

第24集 改善長者生活裝置

今集學校:天水圍循道衛理小學。 香港人口持續老化,根據政府統計,大約有116萬名65歲或以上長者,佔整體人口比例接近16%,我哋好應該關心同支援佢哋㗎!呢間學校嘅同學仔,就憑STEM嘅知識,設計咗各式各種嘅裝置,希望可以幫助長者改善生活呀!