Girls’ Talk - 呃Like 派出所
節目由一班閨密主持,以Girls’ Talk 的形式分享交談。星期五《呃Like 派出所》,閨密主持結伴出發搜羅最新的周末活動,包括運動、露營、新興玩樂場所、特色住宿,以及特色餐廳等等。並每次的地點教你自拍的最佳取景及角度,為你介紹最好的呃like方法。
語言 粵語

第104集 香港世外桃源

第103集 屏山一日遊

喺香港長大嘅你,都知道香港喺地球上得一粒豆豉咁大!但事實上,豆豉咁大都有好多地方可以俾你玩足一日。 今日呃like派出所帶你哋去香港後花園隔離條村,同你影靚相、食好西!唔想日日都返工放工返屋企嘅你,就記得跟實我哋啦!

第102集 隱藏café

香港講明係美食之都,作為港女嘅我哋,有咩美食係咪食過呀!每逢有新餐廳開,我哋都第一時間碌過去打卡!但今次呃like派出所介紹嘅你未必聽過,因為佢係一間隱藏喺上環嘅餐廳,經過都未必知佢係餐廳,如果你連呢間都試埋,就代表你係真正合資格嘅港女啦!

第101集 日式髮型店

香港食海鮮就有海鮮價,但其實你哋有無發現我地剪頭髮都有海鮮價,有時上到髮型店,佢話幫你加咩護髮精華,又話用咩染頭髮嘅product,到最後上去之前同之後個價永遠都唔一樣。

第100集 樓上休息室

香港飛快嘅生活節奏,有時真係令人好窒息,但生活喺呢片土地,你又唔可以唔跟住嘅個節奏生活,久而久之變咗個機械人。但拒絕被同化嘅你,由今日起終於可以喺呢片鬧市度搵到個俾心靈休息嘅地方啦!跟住我地,一齊做返自己啦!

第99集 刺蝟 cafe

作為一個有愛心嘅靚女,當然會好喜愛養小動物啦,一來可以展現自己嘅愛心,同時又可以成日幫佢哋呃like post相。雖然係咁,但養小動物之前真係要諗清楚呀,今集呃like派出所就同大家去動物cafe,等大家喺養小動物之前,了解清楚小動物嘅習性

第98集 專屬信物

如果琴日嘅白色情人節成功表白或者成功定情嘅你哋,今日呢集呃like派出所支持你哋再次出擊,整一對情侶專屬嘅信物,一手一腳整出一對屬於你哋嘅戒指或者手鐲,仲印上自己嘅指模做印記,包你一定唔會同其他人撞呀!

第97集 白色情人節

就快到白色情人節啦!喺2月14剛收到情人節禮物嘅女仔,係咪煩惱緊回咩禮呢?知道時間對每一個情人或者曖昧嘅戀人嚟講都好重要,所以今集呃like派出所帶大家去整錶,但願你同呢個命中注定嘅另一半珍惜每一刻相處嘅時光。

第96集 啤酒spa

作為一個識得嘆嘅港女,一定飛過好多唔同嘅地方做過一啲平靚正嘅spa啦!之前我哋就帶過大家做過一啲前世今生嘅spa, 又試過去韓式蒸身!今次呃like派出所帶大家去浸啤酒spa, 聞住啤酒味做spa咁獨特又唔知會係咩感覺呢?