Girls’ Talk - 豁出去漫遊
節目由一班閨密主持,以Girls’ Talk 的形式分享交談。星期四《豁出去漫遊》,主持人分享到不同國家的旅遊經驗,以視像通話形式與身在外國旅遊的女生聊天,或邀請女生旅遊達人一同聊天,分享她們以往一個人旅遊的經驗。每集都會提供相關地方的旅遊資訊給觀眾作參考。
語言 粵語

第65集 秘魯

偽旅遊達人Hailey終於由南美返咗香港,上次同我哋班Girls視像講玻利維亞嘅天空之鏡同鹽酒店,今次就同我哋分享秘魯嘅行程。Hailey真係見到傳說中嘅「秘魯外星人圈圈」?嚟﹗豁出去漫遊,一齊向秘魯出發。

第64集 意大利

旅遊達人Monka繼續帶我哋去意大利﹗Monka鍾意旅行因為鍾意自由自在,認為每次去完旅行返嚟都有個新嘅自己。Monka喺佛羅倫斯因為影相呃like最後爛咗兩樣嘢?嚟﹗豁出去漫遊,一齊向意大利出發﹗

第63集 意大利

旅遊達人Monka今次帶我哋遊走意大利﹗Monka鍾意旅行因為鍾意自由自在,認為每次去完旅行返嚟都有個新嘅自己。意大利除咗手繩黨簽名黨之外,仲有個好出名嘅黨?嚟﹗豁出去漫遊,一齊向意大利出發﹗

第62集 四川色達

旅遊達人Ada今次再帶我哋走入四川色達﹗Ada鍾情於少數民族嘅純樸同高原景色。旅行就係體驗唔同民族嘅風土人情。色達嘅天葬儀式到底係點?嚟﹗豁出去漫遊,一齊向色達出發﹗

第61集 四川色達

旅遊達人Ada今次再帶我哋走入四川色達﹗Ada鍾情於少數民族嘅純樸同高原景色。旅行就係體驗唔同民族嘅風土人情。色達嘅天葬儀式到底係點?嚟﹗豁出去漫遊,一齊向色達出發﹗

第60集 玻利維亞

偽旅遊達人Hailey帶我哋去到南美玻利維亞﹗傳說中嘅鹽酒店到底邊個位係鹽?原來全玻利維亞最charm嘅男人係司機?嚟﹗豁出去漫遊,一齊向玻利維亞出發﹗

第59集 俄羅斯

旅遊達人Caitlyn第三次同我哋Share俄羅斯故仔﹗俄羅斯人何解會慶祝兩次新年同聖誕呢?俄羅斯幸運符又食唔食得?嚟﹗豁出去漫遊,一齊向俄羅斯出發﹗

第58集 俄羅斯

旅遊達人Caitlyn繼續帶我哋走入俄羅斯﹗「謝肉節」到底係甚麼東西?莫斯科革命廣場站啲銅像甩晒色又係咩原因呢?嚟﹗豁出去漫遊,一齊向俄羅斯出發﹗

第57集 俄羅斯

俄羅斯俾你嘅感覺係點?戰鬥民族?伏特加?西伯利亞人?今次旅遊達人Caitlyn就會帶我哋一探俄羅斯﹗查實俄文難唔難學?勁出名嘅俄羅斯娃娃除咗擺之外,仲有另類特異功能?仲講?嚟﹗豁出去漫遊,一齊向俄羅斯出發﹗

第56集 以色列 巴勒斯坦

旅遊達人二犬繼續帶我哋走入以巴地區﹗二犬認為旅行就係喺有限嘅生命中經歷無限可能。喺以巴,到底點樣去分辨以色列同巴勒斯坦女士嘅頭巾?嚟﹗豁出去漫遊,一齊再向以巴出發﹗

第55集 巴勒斯坦

旅遊達人二犬帶我哋走入紛擾不斷嘅以巴地區﹗二犬認為旅行就係喺有限嘅生命中經歷無限可能。巴勒斯坦入面最靚嘅繪畫到底會喺邊度搵到?嚟﹗豁出去漫遊,一齊向以巴出發﹗

第54集 冰島

旅遊達人風信子今次又帶我哋去冰島。風信子講到明,唔去旅行會死。冰島嘅奇怪景點有幾咁奇怪呢?嚟﹗豁出去漫遊,一齊向冰島出發。

第53集 冰島

旅遊達人風信子今次帶我哋去冰島。風信子講到明,唔去旅行會死。但今次去到冰島旅行真係爭啲死?嚟﹗豁出去漫遊,一齊向冰島出發。

第52集 阿根廷 (II)

旅遊達人Sio再次帶我哋走入旅遊達人Sio再次帶我哋走入阿根廷﹗Sio幾年前拋下穩定嘅工作,買咗一張單程票出走800幾日,體驗各地嘅生活同文化。阿根廷嘅Hostel出名好有藝術風,有幾藝術先?嚟﹗豁出去漫遊,一齊再向阿根廷出發﹗﹗

第51集 阿根廷 (I)

旅遊達人Sio帶我哋探索熱情國度阿根廷﹗Sio幾年前拋下穩定嘅工作,買咗一張單程票出走800幾日,體驗各地嘅生活同文化。阿根廷布宜諾斯艾利斯入面嘅San Telmo區到底有咩咁正?嚟﹗豁出去漫遊,一齊向阿根廷出發﹗

第50集 踩單車遊世界 (II)

旅遊達人Yanki繼續帶我由香港踩單車去挪威﹗Yanki踩單車流浪之餘仲做埋善事,幫助太平洋島國嘅貧困兒童。之前凍傷腳趾休養完再次上路,當中又有咩故事呢?嚟﹗豁出去漫遊,一齊踩單車出發﹗

第49集 踩單車遊世界 (I)

旅遊達人Yanki帶我踩單車向世界出發﹗Yanki之前決定由屯門出發,到底邊度係目的地呢?緬懷首都內比都係傳說中嘅鬼城?喺西藏高原又有咩事發生?嚟﹗豁出去漫遊,一齊踩單車出發﹗

第48集 埃及 (II)

旅遊達人Sharine再帶我哋去神秘嘅埃及。遊客到底有冇得入金字塔參觀?喺金字塔附近見到咩人向你招手記住唔好行埋去?嚟﹗豁出去漫遊,再向埃及出發﹗

第47集 埃及 (I)

Girls’ Talk - 豁出去漫遊﹗今次旅遊達人Sharine帶我哋去埃及尋幽探秘。去到埃及,有咩行為係做完都冇用?金字塔圖應該揀咩唔線?嚟﹗豁出去漫遊,一齊埃及出發﹗

第46集 挪威 (II)

Girls’ Talk - 豁出去漫遊繼續有旅遊達人Jessica同我哋探索北歐挪威。挪威北部嘅羅浮敦群島有咩好玩?當地嘅海邊樓仲貴過山頂樓?嚟﹗豁出去漫遊,再向挪威出發﹗

第45集 挪威 (I)

今次Girls’ Talk - 豁出去漫遊有旅遊達人Jessica帶我哋去北歐挪威。當地好出名嘅「魔鬼之舌」到底係甚麼東西?「奇蹟石」到底有幾危險?嚟﹗豁出去漫遊,一齊向挪威出發﹗

第44集 印度 (II)

旅遊達人Agnes再帶我哋去探索印度。去到印度,千祈唔好問印度人一樣野,呢樣嘢係咩?喺印度,啲人唔會聽到“Lady First” 呢句說話?嚟﹗豁出去漫遊,齊齊向印度再出發﹗

第43集 印度 (I)

Girls’ Talk - 豁出去漫遊﹗旅遊達人Agnes帶我哋去印度探險。喺印度,邊個節日係送好人卡嘅最好時機?邊個動作喺印度文化入面代表「ok 啦」呢?嚟﹗豁出去漫遊,一齊向印度出發﹗

第42集 東非坦桑尼亞 (II)

旅遊達人阿毛再帶我哋探索東非坦桑尼亞。去到坦桑尼亞要睇晒「非洲五霸」?去到大草原我哋係唔準落車?嚟﹗豁出去漫遊,再向坦桑尼亞出發﹗

第41集 東非坦桑尼亞 (I)

Girls’ Talk - 豁出去漫遊有旅遊達人阿毛帶我哋去東非坦桑尼亞。「坦桑尼亞時間」到底係咩嚟?Hakuna Matata正解到底係咩?嚟﹗豁出去漫遊,一齊向坦桑尼亞出發﹗

第40集 巴爾幹半島 (III)

Girls’ Talk - 豁出去漫遊,第三次走入巴爾幹半島,有旅遊達人Kanya。阿爾巴尼亞嘅「千窗之城」到底有幾靚?點解啲人好興講「台灣見」?嚟﹗豁出去漫遊,向巴爾幹再三出發﹗

第39集 巴爾幹半島 (II)

旅遊達人Kanya再帶我哋走入巴爾幹半島。馬其頓嘅奧赫里德到底有咩嘢出名多?當地男仔為咗示愛會跳橋?嚟﹗豁出去漫遊,一齊再向巴爾幹出發﹗

第38集 巴爾幹半島 (I)

Girls’ Talk - 豁出去漫遊今次有旅遊達人Kanya帶我哋走入巴爾幹半島。巴爾干半島嘅耶路撒冷到底喺邊?阿爾巴尼亞有70萬個半圓型物體關UFO事?嚟﹗豁出去漫遊,一齊向巴爾幹出發﹗

第37集 丹麥 (II)

旅遊達人Pricilla繼續帶我哋遊走快樂國度丹麥。喺丹麥嘅咖啡店外面竟然會見到呢樣嘢?香港真係出過一位丹麥王妃?嚟﹗豁出去漫遊,再向丹麥出發﹗

第36集 丹麥 (I)

Girls’ Talk - 豁出去漫遊有旅遊達人Pricilla帶我哋去到快樂國度丹麥。喺丹麥,有種交通工具會帶俾你意想不到嘅阻滯?喺機場,又點解會見到好多人揈丹麥國旗?嚟﹗豁出去漫遊,向丹麥出發﹗

第35集 西班牙 (II)

Girls’ Talk - 豁出去漫遊繼續有旅遊達人Jessica帶我哋探索西班牙。去西班牙旅行要好忍得一樣嘢,到底係咩嘢?西班牙嘅情人節唔興送朱古力?嚟﹗豁出去漫遊,再齊向西班牙出發﹗

第34集 西班牙 (I)

今集Girls’ Talk - 豁出去漫遊,旅遊達人Jessica帶我哋去到西班牙。喺西班牙自駕遊會遇到咩阻滯?喺西班牙有超好食嘅異形?嚟﹗豁出去漫遊,一齊向西班牙出發﹗

第33集 毛里求斯 (II)

Girls’ Talk - 豁出去漫遊我哋繼續有旅遊達人阿P帶我哋玩轉毛里求斯。毛里求斯人喺宗教節日入面虔誠得嚟好痛?毛里求斯人又點睇情侶裝呢樣嘢?嚟﹗豁出去漫遊,一齊玩轉毛里求斯﹗

第32集 毛里求斯 (I)

呢次Girls’ Talk - 豁出去漫遊,旅遊達人阿P帶我哋去到非洲大陸東面嘅毛里求斯。毛里求斯人俾嘢你要用咩手接先叫有禮貌?毛里求里有樣嘢專用嚟擋殺?嚟﹗豁出去漫遊,一齊向毛里求斯出發﹗

第31集 內蒙古 (II)

Girls’ Talk - 豁出去漫遊,旅遊達人露露再帶我哋探索內蒙古。當地嘅酸奶到底可以酸成點?夜晚去睇星星竟然會嚇餐死?嚟﹗豁出去漫遊,一齊又向內蒙古出發﹗

第30集 內蒙古 (I)

今次Girls’ Talk - 豁出去漫遊有旅遊達人露露帶我哋走入內蒙古。有種你諗都諗唔到嘅飲品可以KO千杯不醉嘅蒙古大漢?內蒙古草原上竟然冇蒙古包?嚟﹗豁出去漫遊,一齊向內蒙古出發﹗

第29集 巴黎 (II)

Girls’ Talk - 豁出去漫遊,遊走法國浪漫之都巴黎嘅第三集。法國人食嘢,未洗碗隻碟已經超乾淨?「家庭重組計劃」又係乜東東?嚟﹗豁出去漫遊,一齊三闖巴黎﹗

第28集 巴黎 (I)

今集Girls’ Talk - 豁出去漫遊繼續有旅遊達人Alfee帶我哋遊走浪漫之都巴黎。法國男仔對彼此態度超親暱?Alfee仲俾人用貨櫃運咗去英國?嚟﹗豁出去漫遊,一齊再去玩轉巴黎﹗

第27集 法國

今次Girls’ Talk - 豁出去漫遊有旅遊達人Alfee帶我哋走入法國浪漫之都巴黎。法國男仔會自備一抽形容詞準備隨時讚女仔?當地嘅膠袋係遊客恩物?嚟﹗豁出去漫遊,一齊走入浪漫巴黎﹗

第26集 美國東岸 (II)

Girls’ Talk - 豁出去漫遊繼續有旅遊達人阿毛帶我哋探索美國東岸。喺美國嘅公園入面警察會特別警覺?喺亞特蘭大,的士司機周身都係刀?嚟﹗豁出去漫遊,美國東岸第二擊﹗

第25集 美國東岸 (I)

今次Girls’ Talk - 豁出去漫遊有旅遊達人阿毛帶我哋遊走美國東岸。入到美國餐廳有樣嘢係必備?睇全芝加哥最靚嘅夜景要入廁所?嚟﹗豁出去漫遊,一齊走去美國東岸﹗

第24集 北韓 (III)

今次Girls’ Talk - 豁出去漫遊有旅遊達人查花帶我哋三走神秘國家北韓。喺北韓竟然有得食西餐?仲有主題樂園玩?你敢唔敢玩先?嚟﹗豁出去漫遊,一齊三闖神秘北韓﹗

第23集 北韓 (II)

今次Girls’ Talk - 豁出去漫遊繼續有旅遊達人查花帶我哋遊走神秘國家北韓。北韓馬路上最重要嘅到底係咩?同當地居民嘅第一類接觸,會有咩後果?又嚟﹗豁出去漫遊,一齊再闖神秘北韓﹗

第22集 北韓 (I)

今次Girls’ Talk - 豁出去漫遊有旅遊達人查花帶我哋走入神秘國家北韓。查花一入北韓國境就有事發生?同行團友大搖大擺著住件南韓牌子衫行嚟行去?不得了呀。嚟﹗豁出去漫遊,一齊進入神秘北韓﹗

第21集 北非摩洛哥 (II)

今次Girls’ Talk - 豁出去漫遊繼續有旅遊達人Kanya帶我哋去北非摩洛哥。摩洛哥好出名嘅堅果油原來同當地嘅羊關係密切?Kanya仲俾個好人請食飯請足三日?嚟﹗豁出去漫遊,一齊遊走北非摩洛哥﹗

第20集 北非摩洛哥 (I)

今次Girls’ Talk - 豁出去漫遊我哋有旅遊達人Kanya帶我哋遊走北非摩洛哥。喺摩洛哥,通街都係小明?喺沙漠又會做到啲冇人覺得會做到嘅嘢?嚟﹗豁出去漫遊,一齊走去北非摩洛哥﹗

第19集 墨西哥 (II)

今次Girls’ Talk - 豁出去漫遊我哋繼續有旅遊達人Alison帶我哋去遊走墨西哥。喺墨西哥,通街都會見到紙紮公仔?去到墨西哥,有樣七種顏色嘅嘢一定要搵齊?到或係乜東東?嚟﹗豁出去漫遊,一齊走去墨西哥﹗

第18集 墨西哥 (I)

今次Girls’ Talk - 豁出去漫遊我哋有旅遊達人Alison帶我哋去遊走墨西哥。墨西哥有個建築物新潮到爆?教堂入面會發生啲你估都估唔到嘅事?想知呢?嚟﹗豁出去漫遊,一齊走去墨西哥﹗

第17集 非洲納米比亞

今次我哋有繼續有喺非洲納米比亞動物保育中心入面做緊義工嘅旅遊達人Riki做嘉賓。去納米比亞動物保育中心真係唔係想像中咁易,仲會有生命危險咁驚?嚟﹗豁出去漫遊,一齊去非洲搵動物啦﹗

第16集 非洲

今次Girls’ Talk - 豁出去漫遊我哋有喺非洲納米比亞動物保育中心入面做緊義工嘅旅遊達人Riki做嘉賓。呢個非洲國家有咩禁忌?Riki又喺保育中心入面見到啲咩恐怖嘢?嚟﹗豁出去漫遊,一齊去非洲望望。

第15集 約旦佩特拉古城

嘉賓波波繼續帶我哋豁出去漫遊,今次入到約旦嘅佩特拉古城入面,睇吓呢個曾經俾人遺忘咗嘅地方有幾咁靚幾咁壯觀。波波又會教你如果鍾意咗個當地人應該點做呢?嚟﹗Girls’ Talk - 豁出去漫遊,繼續遊走約旦。

第14集 中東約旦

今集Girls’ Talk - 豁出去漫遊,我哋有之前同我哋share古巴旅遊經驗嘅嘉賓波波。今次波波遠喺中東約旦同我哋連線傾偈。聽講波波身處緊嘅約旦嗰幾日人心惶惶,到底有咩事發生?嚟﹗Girls’ Talk - 豁出去漫遊,一齊去約旦睇睇

第13集 伊朗 (III)

今集Girls’ Talk - 豁出去漫遊,旅遊達人Kaka同我哋share中東國家伊朗入面嘅庫爾德區。庫爾德區同其他伊朗地區有幾唔同?庫爾德人真係世界上最好客嘅民族?嚟﹗Girls’ Talk - 豁出去漫遊,伊朗庫爾德區。

第12集 伊朗 (II)

今次旅遊達人Kaka繼續帶我哋探索中東國家伊朗。今次簡直係文化衝擊,話你知伊朗不為人知嘅一面﹗Girls’ Talk - 豁出去漫遊,繼續遊走伊朗。

第11集 伊朗 (I)

今集Girls’ Talk - 豁出去漫遊,旅遊達人Kaka帶我哋去中東國家伊朗。呢個被人叫做新邪惡軸心嘅國家,到底係唔係真係咁邪惡?遊客未落機已經要入鄉隨俗?到底係咩鄉咩俗?Girls’ Talk - 豁出去漫遊,降落伊朗。

第10集 不丹 (II)

上星期Girls’ Talk - 豁出去漫遊,旅遊達人Beatrice話俾我哋知快樂國度不丹不為人所知嘅一面。今次,Beatrice竟然喺不丹搵到同香港有關嘅嘢,仲同大人物心目中嘅大人物有交集?

第9集 不丹 (I)

今次Girls’ Talk - 豁出去漫遊,旅遊達人Beatrice引領我哋進入亞洲快樂國度,傳說中嘅龍之國 — 不丹。呢個開放旅遊業唔係好多年嘅國家,旅遊生態係點?傳說中嘅「快樂國度」,點解啲人可以咁快樂?

第8集 亞馬遜森林 (II)

旅遊達人Phoebe上星期帶大家去到亞馬遜森林,搵巫師醫病仲參加神秘死藤水儀式。今次Phoebe同我哋分享亞馬遜森林大自然嘅一面,一樣野,可以攞水飲,仲可以對付賤男?Girls’ Talk - 豁出去漫遊,亞馬遜森林第二回﹗

第7集 亞馬遜森林 (I)

旅遊達人Phoebe今次帶大家去到秘魯亞馬遜森林。堅係帶大家尋幽探秘,同大家分享亞馬遜森林入面有幾原始,有幾神秘。入鄉隨俗,「所謂嘅西醫」都要行埋一二邊。Girls’ Talk - 豁出去漫遊,一齊向亞馬遜森林出發。

第6集 德國杜塞爾多夫 (II)

找數帶大家去舊城區﹗除咗睇吓舊城區有咩特別嘢之外,仲會大講德國男仔對亞洲女仔嘅睇法。想知多啲?睇Girls’ Talk - 豁出去漫遊啦﹗

第5集 德國杜塞爾多夫 (I)

今次Girls’ Talk - 豁出去漫遊,旅遊達人Anson帶我哋去德國西部大城市杜塞爾多夫。淨係食豬手飲啤酒?咪咁刻板印象啦James。想知去呢個城市旅遊有咩要注意,呢個城市又幾咁「唔德國」?

第4集 古巴 (II)

今次嘉賓波波再帶我哋去古巴,同我哋探討吓古巴嘅「愛情」。到底古巴人同遊客們有咩千絲萬縷嘅關係?波波又喺古巴見證到咩故事?跟住Girls' Talk,豁出去漫遊,探索古巴!

第3集 古巴 (I)

作為現今世界少數由共產黨執政嘅社會主義國家,古巴,係唔係好似傳說中咁落後,咁封閉,咁危險?俾人經濟禁運咗幾十年,成就嘅古巴獨特嘅城市景觀;資源緊拙,造就出全民都係工程師?旅客太珍貴,珍貴到變成受保護動物?

第2集 土耳其 (II)

上個禮拜我哋就睇到嘉賓阿水喺土耳其嘅寫意超嘆獨遊生活。今次,阿水帶我哋行街街,帶大家睇吓土耳其小鎮嘅生活日常。土耳其人嘅街邊小食到底係點?行一次街到底可以撞到幾多個靚仔?喺土耳其買手信有咩都市傳說?入到餐廳唔好搞錯咩手勢?

第1集 土耳其 (I)

一個女仔去外地旅行到底係咪真係咁危險?「獨遊」係咪真係咁大件事,咁得人驚?好明顯就唔係啦。所以Girls’ Talk每個星期四都會帶大家用15分鐘暢遊世界各地。第一次,我哋就帶大家去土其耳搵阿水。阿水係乜水?就係一個獨遊土耳其嘅女仔。