新世紀山陰恋事
山陰,所指的是島取、島根和山口縣北部地區,亦是日本神話中的結緣聖地。Alma和Fish,踏上一段二人前的背包旅程,在催情指數最高、最靈驗締結良緣的「出雲大社」、遇上第三對眼睛,帶觀眾以第一身視覺,一同遊歷餘下的旅程
語言 粵語

第6集 伯耆富士

旅程接近尾聲,嚟到日本百名山之中嘅大山。呢度有西日本最大嘅滑雪場,又有日本國內最大級嘅花卉公園,好動又得好靜又得。花卉公園掛上140萬顆燈泡裝飾,夜晚亮燈之外仲有煙火表演,要氣氛有氣氛要情調有情調,究竟把打識唔識好好利用,從此抱得美人歸?

第5集 松江的完結之旅

浸完混浴美人湯,兩女一男嘅戀愛旅程進入白熱化階段!嚟到松江到處都係心、心、心,有木紋心,有石頭心,連棵樹都生成一個心。唔知男方可唔可以喺松江呢個緣結之地,加強戀愛能量,成功出pool呢?

第4集 安來市

要令好感昇華去另一個層次,點可以淨係吃喝玩樂,要尋找更有深度有內涵嘅活動。嚟島根縣東端嘅安來市,可以感受到日本最傳統嘅文化色彩,安來節泥鰍舞、人手燒製陶瓷、古法廣瀨藍染、日本第一庭園、傳統座禪體驗,文青魅力即時倍增。

第3集 米子市

日本又豈止SHOPPING,香港人嚟日本愈玩愈刁鑽。兩女一男嘅組合,嚟到香港直航到達嘅米子。米子市係鳥取縣西部嘅中心地帶,靠近山陰地區唯一嘅名山 - 大山。食盡大山名產,一嚐大山名酒,仲可以親親大自然,可唔可以親親美少女就要睇吓呢集先知!

第2集 鳥取縣境港市

兩女一男嘅山陰之旅嚟到鳥取縣境港市,呢度係日本妖怪漫畫大師、鬼太郎嘅作者水木茂先生嘅故鄉,被打造成繽紛妖怪樂園。另外,境港亦有全國最強嘅蟹產量,品嚐到日本海最新鮮嘅蟹產物。究竟吃喝玩樂可唔可以,令女生增添好感,讓感情一日千里?

第1集 神之國

一個後生仔,為咗搵尋找廿幾年都未出現過嘅女朋友,把心一橫去到日本有「神之國」之稱嘅山陰中央,參拜日本人心中能量最強嘅出雲大社。就喺依度,佢遇到兩位女生,開展咗兩女一男嘅山陰之旅。