Girls’ Talk - 扮靚錦囊 第91集 -寒背 |
|
| 做人要正真，腰骨要挺直。成日都話要護膚美肌，如果連企都企得唔好，皮膚幾靚都無用。聽我講完個人係咪即刻挺直咗呢？但今次記得下次又變返攣弓蝦米係唔得㗎！今集girls有計，腰痛寒背通通走，保證你以後挺胸抬頭自信做人！ | |
| 分類 | 清談節目 |
| 語言 | 粵語 |
| 字幕 | 中文 |
| 片長 | 15.0 分鐘 |
| 節目級別 | G |
|
|
Girls’ Talk - 扮靚錦囊 第97集 -美白牙人人都想有排又整齊又白嘅牙！但如果想快而平真係唔係咁簡單，出去漂一漂都幾千蚊啦，但屋企自己搞又搞到一獲泡！之前扮靚錦囊同你研究過一啲家用嘅方法，但好似又唔係好有成效，今次主持們就去咗日本啲舖頭搜羅咗一平平哋嘅產品，試下佢係咪真係又平又正先！ |
|
|
Girls’ Talk - 扮靚錦囊 第96集 -自然眉妝大挑戰扮靚錦囊嚟到九十幾集，一班girls嘅扮靚心得都應該達至專家級。所以今集就有位新girls 去挑戰呢班舊girls嘅畫眉技術，咁簡單嘅挑機應該毫無難度，但睇嚟都唔係個個舊girls都咁有把握喎！ |
|
|
Girls’ Talk - 扮靚錦囊 第95集 -笑容新一年「笑口常開」！都要識得笑先可以成日笑口常開㗎！笑到好似八兩金咁就唔好搞啦！今集扮靚錦繡同你執靚個笑容，唔係講笑，練笑其實都有好多法寶架！想用笑容迷一迷啲男神就要跟班girls學下嘢啦！ |
|
|
Girls’ Talk - 扮靚錦囊 第94集 -腳凍你哋冬天有無試過著短裙呢？又有無試過為咗靚都唔肯著多幾條褲呢？冬天旅行見到好多外國人喺寒冬下都著短裙，其實係人哋愛靚唔愛命定係我哋身子太弱呢？冬天想暖又想show腿其實都唔係無計，原來外國人都有好多小法寶㗎！ |
|
|
Girls’ Talk - 扮靚錦囊 第93集 -冬天衫配搭冬天好多時為左保暖都會著到好似米芝連咁！就算平時成日keep fit，擁有完美身材，但一到冬天都會遮蓋哂。但原來冬天著衫都唔一定要好似隻粽咁，想又靚又保暖，扮靚錦囊班女仔有辦法！ |
|
|
Girls’ Talk - 扮靚錦囊 第92集 -快速卸甲平時卸甲卸得多，啲指甲唔係脆就黃，結果又要再用啲指甲遮住佢，長久落去，只會愈黎愈黃同脆，去到返唔到轉頭嘅地步。今集扮靚錦囊會同你健康快速卸甲! 到時日日換款都得啦！ |
|
|
Girls’ Talk - 扮靚錦囊 第90集 -眼袋新年快樂呀咁多位girls talk Fans! 新嘅一年當然要狂歡啦！呢幾日係咪係咁飲酒打麻雀唱卡先！玩就梗㗎啦，不過玩還玩，小心眼袋大到落到下巴呀，無理由新一年新開始就成隻熊貓咁㗎！ |
|
|
Girls’ Talk - 扮靚錦囊 第89集 -旅行用品 (護膚品)一講到可以去旅行，個心都飛埋出黎，但一講到要執行李，就真係好煩惱。上集一班girls就同你開喼執衫，今集我哋就同你執好啲化妝品、護膚品，其實要令自己執好執齊都有好多法寶㗎！有位就梗係放戰利品啦！ |
|
|
Girls’ Talk - 扮靚錦囊 第88集 -旅行用品 (衫)我哋就最明白女仔去旅行，一定會帶幾百件衫同鞋去襯。去旅行喎，點可以唔著靚啲呀。但如果去之前已經打爆咗個喼，又點拎手信返嚟呢？今集girls talk扮靚錦囊就同你諗諗計，仲唔快啲攞個喼出黎同我地一齊執！ |
|
|
Girls’ Talk - 扮靚錦囊 第87集 -減肥減肥係女仔嘅一生事業，但今時今日仲為左靚而減肥就太傻啦，其實個人瘦啲健康啲，人生都會開心啲，我地girls talk班女仔就係例子啦，日日做運動都係想健康啲開心啲，今集girls talk扮靚錦囊同你笑住減。 |
|
|
Girls’ Talk - 扮靚錦囊 第86集 -脫髮十個光頭九個富，係咪真呢我就唔知啦，不過我就好肯定佢地就唔會開心囉！當你以為呢個只係男人嘅煩惱嘅時候，你就錯啦！依家香港地壓力大，女性都慢慢遇到呢個問題，到發現要補救嘅時候，就已經太遲了。 |
|
|
Girls’ Talk - 扮靚錦囊 第85集 -頭髮開叉感情線已經成日開叉㗎啦，你唔會想啲頭髮都成日開叉啩！頭髮開叉除左望落去好似禾稈草，仲令頭髮得唔到應有嘅營養，分分鐘會甩頭髮㗎，到時想條感情線唔開叉都唔得啦！咁可以點？今集班girls同你諗諗計！ |
|
|
Girls’ Talk - 扮靚錦囊 第84集 -美容覺有邊個唔想返工返學之前瞓多2個鐘，一日24小時總係有好多嘢要做，有幾可可以瞓足8個鐘呢？既然瞓唔足，不如試下用啲小工具去幫自己瞓好啲啦！因為幾點瞓同瞓得好唔好，係直接影響一個人嘅身體同肌膚㗎！ |
|
|
Girls’ Talk - 扮靚錦囊 第83集 -美甲人美甲我美甲，唔知點解成日都搞成個鐘，又搞到成手都係，所以整指甲呢啲嘢都係交俾人搞啦！無錯，唔識整梗係唔好亂黎啦！但有方法可以輕輕鬆鬆都整到啲指甲好似女神咁就真係要學啦！ |
|
|
Girls’ Talk - 扮靚錦囊 第82集 -直髮夾好多女仔無論係直髮曲髮都好，屋企都一定會有一隻直髮夾，因為除左可以做到直髮，好多唔同類型嘅頭髮造型都可以做到。雖然係咁，又係咪每個女仔都識得正確使用呢？又或者係咪類型嘅直髮夾都岩你用呢？ |
|
|
Girls’ Talk - 扮靚錦囊 第81集 -鼻毛有時喺街度見到啲男人露哂啲鼻毛出嚟，真係會忍唔住打咗個冷震。不過呢個問題絕對唔係男士嘅專利，好多女士都同樣面對呢個問題！如果唔想遇到尷尬場面，真係要認真處理一下鼻入面嘅毛髮。 |
|
|
Girls’ Talk - 扮靚錦囊 第80集 -增高穿搭法十隻手指有長短，生得唔高唔係你嘅錯。天生不足，都總可以後天努力！我地就係明白，每個女仔都想有高挑身材，所以今集Girls' Talk扮靚錦囊就教你點可以著得高啲，唔係講笑，呢啲小技巧分分鐘可以令你著完高3吋！ |
|
|
Girls’ Talk - 扮靚錦囊 第79集 -橙皮紋好多女士都好重視身型，每日都為瘦身而努力，終於成功減磅，但卻留下永遠磨滅唔到嘅「橙皮紋」。無錯！突然消瘦真係會產生好多橙皮紋㗎，呢個絕對唔係大肚婆嘅專利，所以有得避免就當然要及早預防。 |
|
|
Girls’ Talk - 扮靚錦囊 第78集 -染髮衰左人人染髮都總有失手嘅時候，雖然可以補染，但染完又染，其實好傷頭髮。咁可以點？今集Girls' Talk扮靚錦囊，同你試下啲唔傷頭髮嘅補救方法，搞到個頭一撻撻嘅你，洗定頭等我哋啦！ |
|
|
Girls’ Talk - 扮靚錦囊 第77集 -黑頭士多啤梨鼻人人都唔想有，但呢啲野永遠都唔輪到你揀，撕過、捽過、擠過，點整都整唔走！今集Girls' Talk扮靚錦囊踢走傳統方法，同你試下現今唔同嘅黑頭機，有頑固黑頭唔駛愁，總有一部唔係流！ |
|
|
Girls’ Talk - 扮靚錦囊 第76集 -鼻毛鼻毛外露唔係男人嘅專利，其實好多女仔都面對同樣問題，只係佢地都會靜雞雞打理好，唔俾人見到。有見及此，今集Girls' Talk扮靚錦囊，同你哋試試一啲去鼻毛嘅產品，以確保大家唔會有鼻毛外露嘅尷尬場面。 |
|
|
Girls’ Talk - 扮靚錦囊 第75集 -穿耳耳環係一種令自己每日有少少唔同嘅飾物，唔太明顯，但嗰少少嘅不同可以留住一個男人嘅目光！好誇張？是真的！所以無耳窿嘅你係咪好想即刻穿返個呢？唔好等啦！ |
|
|
Girls’ Talk - 扮靚錦囊 第74集 -捲髮器頭髮一向都係女仔嘅重點項目，有幾百種髮型可以set,無啲工具幫手又點得呢？今年流行捲髮，就咁捲髮器都有幾十款，到底邊個好用，邊個抵玩，真係唔識分，不過有我地girls幫你又洗咩擔心呀！ |
|
|
Girls’ Talk - 扮靚錦囊 第73集 -牙箍人人都想一出世就有副整齊嘅牙齒㗎啦，但呢啲嘢邊到你決定呀，都係靠後天努力啦！但後天努力都要有金錢嘅支持，無錢學咩人貪靚呀。又唔好咁講，今集扮靚錦囊搵到好平嘅牙齒矯形嘅方法， Work唔work試過你就知啦！ |
|
|
Girls’ Talk - 扮靚錦囊 第72集 -修甲女仔貪靚就係人都知啦，淨係整隻指甲都用成個鐘啦，但有時整得靚都未必襯得靚，因為原來唔係每一種嘅指甲型狀都適合所有人，揀錯指甲型狀分分鐘令隻手指望上去又短又肥！ |
|
|
Girls’ Talk - 扮靚錦囊 第71集 -洗白鞋“夏天為大地帶黎雨水”電視廣告都有講啦！咁就死得啦，因為一到夏天就最鍾意著住對白色鞋仔出街，成日狂風落雨，唔想整烏糟對白色鞋，咪唯有將對鞋放喺屋企鋪塵囉！ |
|
|
Girls’ Talk - 扮靚錦囊 第70集 -脫毛機成日都話自然就是美，但望住啲腳毛Fing fing下，真係好難俾佢自然成長。所以身為一個女神，都難免會為自己嘅毛髮而煩惱。 |
|
|
Girls’ Talk - 扮靚錦囊 第69集 -泳衣夏日炎炎當然要出外玩水！但著住套泳衣又無咩身材，真係會好自卑㗎。我哋一班girls又點會唔明呢個道理呀，所以今集扮靚錦囊請咗班主持們一齊同你大曬泳衣，同你研究點著先好睇，其實無身材都可以著得好好睇㗎。 |
|
|
Girls’ Talk - 扮靚錦囊 第68集 -牙齒護理“喂，你有條菜係牙隙！”人人都會想擁有又乾淨又白雪雪嘅牙齒，美白功夫做得多，但護理牙齒嘅基本工反而做唔足，想擁有美白牙齒，先學好牙齒護理。 |
|
|
Girls’ Talk - 扮靚錦囊 第67集 -如何護理隱形眼鏡節目由一班閨密主持，落手落腳示範，讓忙碌的香港女性能在15分鐘內掌握最新美容、飲食及玩樂資訊。星期一《扮靚錦囊》，三位閨密將針對一個扮靚話題提供自己的方法，在家中親身示範，並拍片分享。 |
|
|
Girls’ Talk - 扮靚錦囊 第66集 -牛仔褸樓就話買唔起啫，褸就總有10件8件啩！就算無，屋企都總有一件永遠唔會過時嘅牛仔襯，堪稱最易襯，最唔需要打理嘅褸，你唔係無啩？無都唔緊要，睇完今集扮靚錦囊就好買啦！ |
|
|
Girls’ Talk - 扮靚錦囊 第65集 -襯衫Mix & Match有無試過因為自己的衣著品味而被評頭品足，又或者因為咁而令自己失去自信？ 一向被人認為係潮流末端的家媛，今日終於被姊妹們翻開衣櫃，將衣櫃入面的衫重新檢視，再重新打造一個令人嘆為觀止嘅造型。 |
|
|
Girls’ Talk - 扮靚錦囊 第64集 -韓式Fashion以下是一節暴風消息，隨住韓風Fashion吹襲，社會上有唔少Girls都大受影響。逐漸戀上韓國少女近期最潮服飾，究竟點樣穿搭先可以做到最好睇、最有韓味，等我哋話你合啦。 |
|
|
Girls’ Talk - 扮靚錦囊 第63集 -韓式瀏海瀏海或捲髮 或許不可給你選。歌詞都有教啦，今日哋幾位Girls 決定將個瀏海交俾對方手，即場剪個韓式陰。睇吓大家可唔可以carry 到先。 |
|
|
Girls’ Talk - 扮靚錦囊 第62集 -父親節見家長父親節要拜訪男友父母可以話係一大挑戰。不過我哋Girls冇驚過，我哋會同你細心分析吓點樣係得體，點樣係大方。分分鐘認定你係未來新抱呀。 |
|
|
Girls’ Talk - 扮靚錦囊 第61集 -化妝品重生身為一個貪靚嘅girls, 有十件八件化妝品係好正常嘅。正如我頭先所講啦，身為貪靚嘅girls, 有一、兩件化妝品唔覺意整爛咗，亦好合邏輯。不過我哋一啲都唔肉赤，因為有大把方法令你哋嘅化妝品重生。 |
|
|
Girls’ Talk - 扮靚錦囊 第60集 -口氣Girls 其實外觀除咗妝靚，衫靚之外，仲有一樣嘢好影響人對我哋嘅第一觀感，就係口氣喇。我哋幾咁靚都好，只要有口氣問題，咩人都嚇走啦，今日我哋一齊睇吓有咩方法試吓解決呢個難題啦。 |
|
|
Girls’ Talk - 扮靚錦囊 第59集 -去漬「污漬簡單，抹去卻是極難，幾多碌卡帳單。」Girls 我哋用咁多血汗錢買件靚衫，可能一滴豉油汁將佢破壞，其實真係好唔抵。 |
|
|
Girls’ Talk - 扮靚錦囊 第58集 -假髮如果不可改變臉型，就換個新髮型。歌都有得唱啦，但係咪唔夠勇氣去做呢其實市面上有唔同髮品product, 幫你頭髮變長又得，立即變短亦得，得咗。試到啱feel, 咪一嘢剪個啱自己嘅靚髮型囉。 |
|
|
Girls’ Talk - 扮靚錦囊 第57集 -控油有咩慘得過同男神出街，影相嘅時候塊面反晒光影你唔到吖......師姐，你成面油搞唔掂喎。想有效面部控油其實只要你用啱產品就冇問題啦。晚修產品、自家製秘方，急救工具私人過幾招俾你啦。 |
|
|
Girls’ Talk - 扮靚錦囊 第56集 -增高有邊個心底入面真係想做哈比人吖，既然上天生成冇得救，不如後天諗計搞搞佢啦。如果你都有身高問題一定要留意，分分鐘可以令你瞬間高半個頭呀! |
|
|
Girls’ Talk - 扮靚錦囊 第55集 -鼻其實個鼻生正喺我哋塊面中間，如果生得唔靚真係好礙眼咖。但係又唔係人人接受到去整型喎...唔怕，我哋幫緊你！幫緊你！有啲方法keep 住做慢慢改善又有，即刻變高都得呀! |
|
|
Girls’ Talk - 扮靚錦囊 第54集 -掉髮男士有掉髮問題大件事，女士有掉髮問題更加係災難。唔駛驚，今次我哋由身體內到外同你分析呢個問題，細至一把梳點揀，深層次去到穴位按摩防掉髮都教埋你，總之就有辦「髮」啦。 |
|
|
Girls’ Talk - 扮靚錦囊 第53集 -救皮膚臨瞓之前搽幾百種護膚品都係想皮膚keep 得到靚靚。但其實你應該要由最根本去做起，簡單嚟講就係瞓個靚覺。瞓得好，皮膚自然好啦。今次我哋準備咗唔同方法俾你，由內到外幫你瞓覺好嘅！ |
|
|
Girls’ Talk - 扮靚錦囊 第52集 -眼肚紋每日都要諗用眼鏡定化個濃妝遮遮個眼肚紋已經夠煩，仲要望住佢一日一日咁惡化加深都幾頭痕。其實只要用啱方法可能可以同所有眼紋講byebye 添！簡單起上嚟上嚟工具都唔駛，有你雙手就得喇。 |
|
|
Girls’ Talk - 扮靚錦囊 第51集 -造形大改造每個女仔都會為自己定立一個適合嘅形象，但有時望住自己著來著去都係同一個style，唔好話自己,身邊嘅人都會覺得悶。所以今集Girls' Talk扮靚錦囊會嘗試為姊妹們黎一個形象改造，發掘任何潛在嘅可能性。 |
|
|
Girls’ Talk - 扮靚錦囊 第50集 -OL補濕大法一眾OL每日都要面對同樣問題，就是返到office冷氣房接受8個鐘水分抽乾嘅考驗。如果無為肌膚做好補水工作，肌膚一定好快皺哂皮。 |
|
|
Girls’ Talk - 扮靚錦囊 第49集 -眉型啲人話喺中國文化入面，眉可以決定一個人的命運！堅定流我就唔知啦！但想做一個有仙氣嘅女神，一條咩形狀嘅眉都幾有關係架？點先修到一條黃金比例嘅眉？ |
|
|
Girls’ Talk - 扮靚錦囊 第48集 -洗面機想洗個面啫，駛唔駛咁多工具呀！你錯啦！有時深層污垢唔係就咁用一雙手或者一支洗面奶就洗得乾淨架，當然有一部好嘅洗面機都好重要啦！但咁多唔同種類嘅洗面機揀邊部好呢？ |
|
|
Girls’ Talk - 扮靚錦囊 第47集 -高跟鞋好多女仔返工都可能唔駛著高踭鞋，但對於一班OL或者空姐黎講，真係點避都避唔到！日日咁著隻腳唔流血都變畸型。 |
|
|
Girls’ Talk - 扮靚錦囊 第46集 -啪面新一年新搞作，過去一年有無覺得自己邊度唔完美，影相唔夠靚呢？近年好流行嘅啪骨瘦面，人人都話可以改變面型，塑造完全v面，今集Girls' Talk 扮靚錦囊同你出去試下到底係堅定流！ |
|
|
Girls’ Talk - 扮靚錦囊 第45集 -暗瘡暗瘡係每個人嘅天敵，即使係皮膚幾好都會生過，仲要頑固到生完又生，到底有無咩方法係可以徹底根治架呢？要對付暗瘡先要知點解會有，對正下藥先可以治本！ |
|
|
Girls’ Talk - 扮靚錦囊 第44集 -香水人嘅嗅覺特別靈敏，所以當一個人身上都散發住一種氣味嘅時候，無論係香定臭都好容易俾人偷偷記住左，想避都避唔到。所以要時刻警覺，留最好嘅印象俾人，就要有好嘅準備。 |
|
|
Girls’ Talk - 扮靚錦囊 第43集 -化妝用品工欲善其事，必先利其器！要化到一個充滿仙氣嘅女神妝，當然要有一套好嘅化妝工具！但化妝工具有咁多種，到底邊種先係最好呢？ |
|
|
Girls’ Talk - 扮靚錦囊 第42集 -耳部護理耳垢係人人都有嘅野，但唔係人人都可以坦蕩蕩咁講自己耳垢嘅問題，咁又真係幾尷尬嘅！ |
|
|
Girls’ Talk - 扮靚錦囊 第41集 -提臀要成為女神一啲都唔容易，又要長腿又要纖腰，仲要挺胸提臀！唉算啦，做個普通人算啦！ |
|
|
Girls’ Talk - 扮靚錦囊 第40集 -洗掃新年快樂！話咁快又過左一年啦！新一年梗係要清走啲廢物啦！唔單止係你屋企啲唔要嘅衫褲鞋襪，精品擺設，其實細到連你化妝掃上面嘅廢物都要清走去啦！ |
|
|
Girls’ Talk - 扮靚錦囊 第39集 -Christmas聖誕快樂！香港人最開心就係聽到聖誕節黎啦，因為聖誕節嘅來臨即係代表又有得放大假去下旅行啦！ |
|
|
Girls’ Talk - 扮靚錦囊 第38集 -聖誕妝相信香港人最享受嘅節日莫過於聖誕節，一年一度普世歡騰嘅日子當然要隆重其事啦！無論喺屋企開party定係同朋友一齊食聖誕大餐都希望自己用最sharp醒嘅狀態出席。 |
|
|
Girls’ Talk - 扮靚錦囊 第37集 -四肢纖體即使身段有幾咁纖瘦，胸前有幾咁偉大，只要擁有大象咁粗壯嘅四肢，都唔駛諗可以成為現今趨之若鶩嘅女神。 |
|
|
Girls’ Talk - 扮靚錦囊 第36集 -頭髮造型一年一度嘅”Girls' Talk 5分頭髮造型大賽”首次舉行!上一次大家就熱烈討論過咩場合應該用咩髮型，今次就要認真實習下啦！俾5分鐘時間班女仔，唔知又可以紮到咩髮型呢？邊個最有天份轉行做造型師呢？ |
|
|
Girls’ Talk - 扮靚錦囊 第35集 -護髮成日都想自己屋企染，但又怕染到一撻撻又傷頭髮，出街染又怕嘥時間又怕貴。咁到底去街染好定屋企染好呢？ |
|
|
Girls’ Talk - 扮靚錦囊 第34集 -腳部護理一到左秋冬，成身都好似榨乾左水咁，一啲水份都無，望下隻腳踭乾到裂開哂，如果出街著涼鞋俾人見到有幾咁尷尬。所以要樹立一個女神形象又點可以唔好好護理自己對腳呢？ |
|
|
Girls’ Talk - 扮靚錦囊 第33集 -落妝要保持白滑清潔嘅肌膚，首要條件就係-落妝要徹底，黃金守則"花幾耐時間化妝，就花幾耐時間落妝！"。臉上面只要有一點化妝品落唔清，都會做成敏感、暗瘡、皮膚粗糙同細紋等問題。 |
|
|
Girls’ Talk - 扮靚錦囊 第32集 -眼紋要知道一個女人幾多歲？好簡單，望佢隻眼就知道，因為女人一到左某個年紀，啲眼紋就會自然跑出黎。所以要守護自己年齡嘅秘密，就絕對唔能夠對眼紋問題鬆懈。 |
|
|
Girls’ Talk - 扮靚錦囊 第31集 -Halloween妝Halloween黎到，又係狂歡嘅日子啦！咩話？好緊張唔知扮咩好？無時間準備？唔識化鬼妝？唔駛擔心！有我地Girls' Talk扮靚錦囊，即使去到last minute，都有我地同你拆點佢。 |
|
|
Girls’ Talk - 扮靚錦囊 第30集 -底底底底係我地每日最貼身嘅朋友，點可以唔重視呢？對女仔黎講，底底一定要又靚又舒服，唔好話係著俾人睇，望到自己著住條靚靚嘅褲仔，心情都靚啲啦！ |
|
|
Girls’ Talk - 扮靚錦囊 第29集 -肚腩女神嘅天敵就係肚腩，網上面有咁多方法，總係試唔到一啲有明顯效果嘅。媽呀，唔通真係要一世都對住個大肚腩？又唔駛咁灰，如果做運動真係幫唔到你，或者都有啲另類方法，睇下今集Girls' Talk扮靚錦囊幫唔幫到你啦！ |
|
|
Girls’ Talk - 扮靚錦囊 第28集 -防曬防曬？夏天過左啦喎仲防曬？唔好以為夏天先要做防曬，傷害皮膚嘅UV，喺任何時候任何季節都有，所以我地絕對唔可以鬆懈！今集Girls' Talk扮靚錦囊會同大家研究唔同防曬產品嘅有效程度，知道左就唔怕曬傷啦！ |
|
|
Girls’ Talk - 扮靚錦囊 第27集 -護甲好多女仔淨係掛住護理皮膚、頭髮，成日忽略左指甲嘅護理，指甲唔護理分分鐘變到又黃又硬！到時就算皮膚幾好，頭髮幾柔順，但手指甲又灰又黃又甩皮，人地連手都唔想同你握呀！ |
|
|
Girls’ Talk - 扮靚錦囊 第26集 -臭狐男仔有臭狐已經唔太討好，如果女仔都有臭狐就真係會無朋友。不過天生多汗又有咩辦法喎，邊個想自己有陣臭味呢？今集Girls' Talk扮靚錦囊同大家研究點減少排汗同抑壓腋下細菌滋生，唔想"臭賓賓"，識點做啦！ |
|
|
Girls’ Talk - 扮靚錦囊 第25集 -護唇秋風吹起，個唇即刻乾到啲紋都走哂出黎，女人唔補之後就真係無得補架啦。點先可以有安祖蓮娜咇得出水嘅唇，同舒琪咁迷人粉嫩嘅sexy lips呢？好簡單，最重要一樣野，睇今集Girls' Talk扮靚錦囊啦！ |
|
|
Girls’ Talk - 扮靚錦囊 第24集 -單眼皮雙目無神全因爲對單眼皮？今集Girls' Talk扮靚錦囊同你正視雙眼浮腫，眼皮厚實嘅問題。單眼皮嘅姊妹們又唔一定要飛去韓國嘅，唔同眼皮都有唔同嘅雙眼皮產品。 |
|
|
Girls’ Talk - 扮靚錦囊 第23集 -背脊痘痘夏天熱辣辣，但背脊一撻撻？又真係幾灰嘅，想著露背衫唔得，想著bikini玩水又唔得！其實背脊有痘痘又唔係絕路嘅，正所謂: 凡事唔係絕對嘅，有girls talk就有辦法啦！ |
|
|
Girls’ Talk - 扮靚錦囊 第22集 -角質層原來我地皮膚每小時每一個平方厘米都有1300個細胞掉落緊架！好得人驚呀！所以我地一定要做好去角質呢一環，捽走呢啲掉落左嘅死皮細胞，絕對唔能夠馬虎，唔係肌膚就會變得暗啞架啦！ |
|
|
Girls’ Talk - 扮靚錦囊 第21集 -完美臉形依家網上面咁多靚人靚相，但當見到真人嘅時候分分鐘認唔出。其實想V面又唔一定美圖apps先幫到你嘅，依家市面上有好多product都可以幫你塑造完美臉形！ |
|
|
Girls’ Talk - 扮靚錦囊 第20集 -如何塑造完美胸部黎到20集啦！Girls' talk扮靚錦囊決定衝出框框，同大家講一個非常嚴肅嘅話題，就係"如何塑造完美胸部"! 娟姐為咗大家嘅福祉，都拋咗個身出黎搜羅最完美方法，如果想有完美線條嘅girls，知道點做啦！ |
|
|
Girls’ Talk - 扮靚錦囊 第19集 -m到香港個個女仔都係女強人，個天跌落黎都會頂硬上。但幾犀利嘅女仔，當遇上"姨媽"都忍唔住嗌救命。最明白女生心事嘅girls' talk又點會唔幫手諗諗計呢？ |
|
|
Girls’ Talk - 扮靚錦囊 第18集 -遮瑕女仔化妝遮瑕遮得好就係將自己最靚嘅一面展現出黎，遮得差就即係將自己嘅缺點暴露俾大家睇，一切只是一線之差。如果唔想自暴其短，你就知點做啦！ |
|
|
Girls’ Talk - 扮靚錦囊 第17集 -防水妝炎炎夏日，去邊好？唔駛諗，梗係要去沙灘泳池曬個古銅色肌膚，同玩下水啦！但如果約左心儀對象去玩，無理由唔化行個妝就見人架！ |
|
|
Girls’ Talk - 扮靚錦囊 第16集 -髮型成日聽到男朋友話悶，不如搞搞新意思，轉下個髮型，俾啲驚喜佢啦！但懶係人嘅天性，如果要早一個鐘set個靚頭，就係為左男朋友一下嘅驚喜，我寧願訓多陣。 |
|
|
Girls’ Talk - 扮靚錦囊 第15集 -敏感肌香港空氣污染都幾嚴重，如果出街仲要化厚妝，皮膚就更加容易敏感，所以守護肌膚嘅任務要做好。 |
|
|
Girls’ Talk - 扮靚錦囊 第14集 -眼睫毛想眼睫毛有長又翹，方法有好多！不過唔係每一種都幫到手，有啲仲有可能愈整愈衰，得不償失。係咪有啲方法好想試，但又唔敢試呢？ |
|
|
Girls’ Talk - 扮靚錦囊 第13集 -頭髮一早起身，個頭亂到好似打風咁！朝朝出門已經趕時間㗎啦，仲要洗頭！有咩辦法可以令頭髮貼貼服服？睇Girls' Talk未必一定幫到你，但唔睇Girls' Talk就一定幫唔到你！ |
|
|
Girls’ Talk - 扮靚錦囊 第12集 -整指甲女仔貪靚係天性，但唔係人人願意花咁多時間去打扮自己。一提到整指甲，一班手殘嘅女仔就會諗起好花時間、好易油出界、好嘥錢。你諗到嘅野，Girls' Talk又點會諗唔到。 |
|
|
Girls’ Talk - 扮靚錦囊 第11集 -紋身女仔扮靚花時花力，男仔點諗都諗唔明。不過講到紋身就唔同講法啦，10個男士入面起碼有一兩個有紋身。今時今日紋身已經唔係男士嘅專利，好多女士為左記低自己嘅經歷都會以紋身作記錄。 |
|
|
Girls’ Talk - 扮靚錦囊 第10集 -黑頭一諗到鼻上面啲黑頭就諗起日本熊本出產嘅士多啤梨。媽啊！點解擠到個鼻紅哂都仲有咁多黑色點點，仲要愈擠愈多！放心，呢個情況唔係淨係得妳遇到，成班girls' talk嘅姊妹都有遇過！ |
|
|
Girls’ Talk - 扮靚錦囊 第9集 -腳毛女仔唔怕眉毛同眼捷毛多，最怕係腳毛多。夏天到啦，無理由為咗啲腳毛而收埋條美腿架嘛！今集girls' talk扮靚錦囊同你一齊解決毛毛嘅煩惱，毛又唔一定要脫嘅！ |
|
|
Girls’ Talk - 扮靚錦囊 第8集 -染髮市面上咁多染髮產品都唔知邊隻好，一下唔小心，個頭就變左執草！如果有錢梗係唔會揀自己染啦，咁慳家嘅女士們係咪就無得揀呢？梗係唔係啦！ |
|
|
Girls’ Talk - 扮靚錦囊 第7集 -眼線天生麗質人人都想，可惜現實就係要努力學習將勤補拙。五官入面最重要嘅係對眼，只要對眼化得好，幾醜嘅女仔都可以令你停低望多幾秒！ |
|
|
Girls’ Talk - 扮靚錦囊 第6集 -眼影眼係靈魂之窗，想擁有一對迷人嘅眼神一啲都唔難，只要兩個字-"勤力"就得啦，就係睇實黎緊2集girls' talk扮靚錦囊啦。今集先教你點化一對電死人嘅眼影妝。咩話？你一啲技巧都無？ |
|
|
Girls’ Talk - 扮靚錦囊 第5集 -豐唇唔同年代都有唔同美唇嘅方法，不過點化都好，只要個唇夠厚，都會變得特別性感。今集girls' talk扮靚錦囊就同大家試下唔同嘅豐唇方法，想變安祖蓮娜就痴實girls' talk啦！唔知做完之後係上唇厚啲定下唇厚啲呢？ |
|
|
Girls’ Talk - 扮靚錦囊 第4集 -牙齒變潔白就算你妝、頭、衫、鞋都一絲不茍，恍如女神下凡，但如果一開口D牙係黃黅黅，就再靚都一樣會扣晒分啦！除左刷牙之外，仲有D咩方法可以美白牙齒? |
|
|
Girls’ Talk - 扮靚錦囊 第3集 -保濕獨門秘技「乾」呢個字對女仔嚟講實在太敏感喇。講緊我哋嘅皮膚呀。相信每個女仔對於保濕都有獨門秘技。而坊間流傳緊用綠茶粉開出嚟嘅自製面膜有保濕美白功效，即刻撻上面試試先！ |
|
|
Girls’ Talk - 扮靚錦囊 第2集 -臉上的毛髮「美人生鬚」四個字係咪始終唔能夠安撫有面毛煩惱嘅妳呢。每隔一段時間就要同毛毛行刑，花時間又花心機。今日等我哋同你分享啲去面毛心得，仲有介紹我哋自己常用嘅去毛神器。 |
|
|
Girls’ Talk - 扮靚錦囊 第1集 -修整眉毛點解一團女人嘅話題比一團男人嘅話題多？因為女人堆入面有一個不死嘅話題，就係「扮靚」！台灣人稱呼靚女做「美眉」真係無錯㗎！因為女仔再素顏都好，條眉唔搞搞佢硬係都唔安心！ |